|
Internacia Ligo de Esperantistaj Instruistoj. ...ni instruas Esperante! |
|
Ĉefpaĝo
Instancoj
Agado
Dokumentoj
Revuoj
Adresoj
| Novaĵoj |
ILEI-simpozio pri la konferenca temo
La sesan tagon de la konferenco de ILEI en Krakovo
esperantistaj kaj neesperantistaj scienculoj prelegis
pri demandoj ligitaj rekte au malpli rekte al la konferenca temo:
La pedagogio de Esperanto antau la defioj de interkultura komunikado.
Estis prezentitaj en la pola lingvo au Esperanto 18 prelegoj pri
edukspertoj kaj tendencoj en la eduksistemo de Pollando kaj edukagado
en Esperantujo, teoriaj kaj praktikaj aspektoj de interkultura
komunikado kaj lingvoinstruado, lernfaciligaj efikoj de Esperanto kaj
aliaj lingvoj lernitaj kiel la unua post la gepatra, ekzisto kaj
konsisto de Esperanta kulturo, instruado de universalaj etikaj
valoroj, Esperanto kiel interlingva perilo de literaturaj verkoj,
Esperanto en la lingvopolitika kunteksto de EU kaj Kaukaza regiono,
Esperanto kaj tutmondigho ktp.
La prelegantoj venis el 11 universitatoj kaj altlernejoj de Pollando,
Italio, Usono, Japanio kaj Ukrainio. Resumoj de la prelegoj kaj
biografioj de la autoroj estas publikigitaj en la Konferenca libro.
Elektitaj prelegoj espereble estos publikigitaj en IPR kaj retejo de
ILEI.
La simpozio finighis per vigla paneldiskuto pri la problemoj kiujn la
simpozio tushis kaj pri eblaj solvoj por laueble plej efika kontribuo
de Esperanto al konstruado de pacaj pontoj inter la popoloj, kiuj
estos ankorau traktataj en la lasta konferenca tago dum laborgrupaj
sesioj pri inter-universitataj kunlaboroj, intershanghoj kaj projektoj.