|
Internacia Ligo de Esperantistaj Instruistoj. ...ni instruas Esperante! |
|
Ĉefpaĝo
Instancoj
Agado
Dokumentoj
Revuoj
Adresoj
| Novaĵoj |
Malfermighis la 43-a ILEI-Konferenco
Malfermighis en la 12a de julio la 43a Konferenco de la Internacia Ligo de
Esperantistaj Instruistoj (ILEI). Tio okazis en Matanzas, Kubo, precize 20 jarojn
post la unua ekstereuropa ILEI-konferenco, kiu same okazis en Kubo. Kun pli
ol 60 partoprenintoj el 26 landoj, chi tio farighas la plej granda evento de
ILEI en Ameriko.
En siaj bonvenigaj vortoj la prezidanto de LKK, Julian Hernandez Angulo emfazis
la gravan respondecon de E-instruistoj ene de la movado, kaj ilian shlosilan
rolon gvidi novulojn en la E-komunumon. Li finis per la fido, ke la nuna konferenco
permesos vastan instershanghon de spertoj kadre de la konferenca temo 'Edukado
por Kultura Proksimigho'.
Maritza Gutierrez Gonzalez salutis nome de la Amerika Komisiono de UEA, klarigante
kiel realighis la paralele organizita instruisto-trejna seminario, dank' al
kunlaboro de seso da institucioj kaj fondajhoj.
La saluto de la prezidanto de ILEI, Stefan MacGill, komence skizis la historion
de ILEI-konferencoj, emfazante, ke tri el la kvin konferencoj inter 2007 kaj
2011 estas ekstereuropaj. Post omagho al la forpasintaj kolegoj sekvis resumo
pri la chefaj atingoj de la pasinta jaro, konkludante ke nova laborforta strategio
nepras por ebligi al la Ligo realigi siajn celojn - tiuj fortoj estas planataj
ene de ILEI, sed simila transformo necesas che la pli vasta movado, char altigo
de instru-kvalito estas chies aspiro kaj respondeco.
Radojica Petrovic enkondukis la celojn de la seminario, kiu kunvokis dekkvinon
de junaj seminarianoj el Latinamerikaj landoj kiel Argentino, Bolivio, Dominika
Resp., Haitio, Meksikio, Nikaragvo, Panamo kaj Urugvajo, por ke ili estu en
siaj hejmlandoj pli efikaj kursgvidantoj kaj organizaj motoroj.
La konferenco dauras ghis sabato kun richa programo. Okazis la unua kunsido
de la komitato de ILEI, sed ghi ne atingis kvorumon.
Neniam antaue ni ghuis konferencon de ILEI, tiom kulture diversa kaj kun salutinda
ekvilibro inter la generacioj, kun solida bloko de kubaj kolegoj inter la partoprenantoj.
Stefan MacGill
Prezidanto, ILEI