|
Internacia Ligo de Esperantistaj Instruistoj. ...ni instruas Esperante! |
|
| Novaĵoj |
Juna amiko bezonas novajn kunlaborantojn!
Ni aperigas la enkondukon kiun ni planas aperigi en la ege malfrua numero 2009-3
de Juna amiko. Se nia alvoko tiklas vian intereson, skribu al ni!
=====================
Nia enkonduko devas unue pardonpeti pro la granda malfruo de la lastaj du revu-numeroj.
Tio havas simplan kialon. Unu el niaj du redaktoroj farighis prezidanto de ILEI
(la monda ligo por instruistoj) kaj tio alportas tiom grandan plusan laborkvanton,
ke tio neniel estas kombinebla kun la striktaj limdatoj de Juna amiko. Do, la
subskribinto bedaurinde devas retiri sin nun el la redakta teamo. Li promesas
plue (lau la ebloj) verki por la revuo –verkadon li ja shatas pli ol io
alia en la mondo. Sekve, la revuo bezonas novajn helpantojn :
Rubrikestro por LUME
Kiu satas verki por etuloj (4-8-jaraj), jen la okazo. Plenigu tri au kvar paghojn
por chiu numero de Juna amiko. Ni komencos honorarii niajn rubrikestrojn, precipe
se ili kapablas liveri prespretan materialon.
Redaktoro por Juna amiko
Respondecos pri duono de la revuo (26 pagoj), kune kun Géza Kurucz, kiu
prizorgas la ceteran duonon. El tiuj 26 pagoj inter 8 kaj 10 estas prizorgataj
de rubrikestroj – LUME, trovenda ; LUDE, Mónika Molnár kaj
la konversacia ekzamenprepara rubriko de Judit Felszeghy. La nova redaktoro
ricevos trejnadon kaj honorarion kaj devas kapabli respekti limdatojn. Enpaghigaj
kapabloj bonvenas sed ne esencas, car ni jam havas novan enpagigiston. Ni ja
havas unu kandidaton, sed ni plue alvokas, kun la eblo nomi ekzemple tri redaktorojn
anstatau du.
Administranto de Juna amiko
Ni serchas iun kiu kapablas registri kaj mastrumi la abonantaron, prefere per
datumbaza sistemo kaj liveri etikedojn por la ekspedoj. Tiu devas kontaktadi
kun la perantoj, rete au tra la peranta vikio. Char JA sen administranto tuj
paneas, la nuna administranto dejhoros ghis la trovo de nova, sed kun chiam
malpli da dedichebla tempo. La administrado estas honorariata posteno.
Varba prizorganto por Juna amiko
Pretigos varbilojn, starigos kampanjojn kun perantoj en selektitaj landoj, trovos
novajn perantojn, aperigos la revuon en renkontighoj k.s. Ghis troveblos plenumanto,
la varbado por JA farighos nur ero en la ghenerala varbado por ILEI.
Interesighantoj por iuj el tiuj oficoj skribu al Géza kaj Stefan por
pli da informoj. Espereble ghis la sekva numero, ni povos raporti pri enpostenigo
che almenau unu el tiuj kvar lokoj.
Intertempe ghuu la numeron kaj reabonu por 2010, fidante ke la revuo transiras
parte al nova teamo kun novaj fortoj, kiuj alportos plian valoron al nia oferto
!
Stefan kaj Géza, Jan 2, 2010.